Gennaro Gattuso e ka kritikuar të huazuarin e Chelseat, Tiemoue Bakayoko, pas debutimit të tij për Milanin në humbjen e së shtunës kundër Napolit.

Gattuso ka thënë se më parë do të donte t’i kishte nën menaxhim lojtarët me përvojë sesa të rinj, pasi skuadra e tij e lëshoi nga dora epërsinë prej dy golave në “San Paolo”.

Milan udhëtoi 2-0 pas 50 minutave lojë, por e çoi dëm duke e lejuar Piotr Zielinskin të shënojë dy herë dhe Dries Mertnesin një gol të vonshëm që ia dhuruan vendasve një fitore me rikthim sensacional.

Bakayoko, i cili iu bashkua Milanit në fillim të këtij muaji si lojtar i huazuar me opsion për t’iu bashkuar përfundimisht kuqezinjve sezonin e ardhshëm, u fut në lojë pak pas golit të parë të Napolit në përpjekje për ruajtur rezultatin, por zëvendësimi i tij nuk e pati efektin e dëshiruar.

Pas ndeshjes, Gattuso e theksoi zemërimin e tij me francezin, i cili po ashtu e humbi një rast shumë të mirë për ta rikthyer epërsinë e Milanit.

“Bakayoko duhet të mësojë si ta fitojë topin”, tha Gattuso. “Duhet të punojmë në mënyrë korrekte. Nuk do të jetë e lehtë”.

“Një javë nuk mjafton për t’ia larguar defektet një lojtari. Do të kisha preferuar të kem nën menaxhim lojtarë më të vjetër, me më përvojë”, shtoi ai